DGEMs

Maluk sira mak Kristu hadomi,

“Fiar ho objetivu lolos”: Tiago no João, apóstolo sira, husu Jesus mesak-mesak se Nia bele asegura; sira nain rua tur iha “fatin aas liu” iha lalehan. Reflete: “Ita iha motivu impuru wainhira ita hala’o ita nia fiar no serví Maromak? Ita bele imperfeitu no salan, maibé ita labele buka “manan ba an rasik”; iha ita nia domin no tulun ba Maromak”.

Iha tempu neba, eskolante sira sa'e dau-daun ba Jerusalem. Jesus la'o iha sira oin. Sira bilan deit. Sira ne’ebé tuir Nia tauk. Dala ida tan, haketak tiha ema sanulu resin rua housi sira seluk, Nia hahú hateten ba sira buat ne’ebé sei mosu ba Nia. Tiago no João, Zebedeu nia oan sira, hakbesik Nia dehan: “Mestre, ami hakarak katak Ita halo buat ne’ebé ami husu.” Nia dehan ba sira, “Imi hakarak katak Ha’u halo sa los ba imi?” Sira hatan, “Iha Ita nia glória, halo ami tur, ida iha Ita nia sorin kuana, ida iha Ita nia sorin karuk.” 

“Imi la hatene buat ne’ebé imi husu,” Jesus dehan ba sira.  “Imi bele hemu kopu ne’ebé Ha’u sei hemu, eh simu batizmu ne’ebé Ha’u sei simu?” Sira hatan ba nia, “Ami bele!” Jesus dehan ba sira, “Kopu ne’ebé Ha’u sei hemu, imi sei hemu duni; no batizmu ne’ebé Ha’u sei simu, imi sei simu duni; 40maibe tur iha Ha’u nia sorin kuana eh sorin karuk, Ha’u la iha kbiit atu fó ba imi, maibé buat ne’e ba sira ne’ebé hadia tiha ona.” Maibé iha imi le’et, la'os hanesan ne'e. 

Ema se hakarak sai boot iha imi le’et, sei sai imi nia atan; no ida ne’ebé hakarak sai uluk liu iha imi le’et, nia sei sai imi hotu nia atan; lo-los Oan Mane rasik la mai atu ema serví Nia, maibé atu serví ema, no atu saran Nia moris atu soi ema hotu.”