Domingo Pentecosta: loron 24 fulan Maiu 2026, May 24, 2026
Reflection on the WORD
Maluk sira mak Kristu hadomi,
“Espírito Santo – Perdaun husi Salan”: Ita nia Na’i Moris-hias, hatudu An ba apóstolo sira no dehan, “Damen horik ho imi. SimuEspírito Santo ba! Ba ida ne’ebé imi perduaninia salan, nia sei hetan perdaun ba ninia salan; ba ida ne’ebé imi la perdua ninia salan, nia sei lahetan perdaun. Reflete: “Ita valoriza Sakramentu Rekonsiliasaun, ne’ebé Jesus harii? Jesus perdua ita nia salan sira: liuhusi amu lulik sira Jesus hili, nu’udar Ninia eskolante sira.”
João 20: 19-23
Iha loron neba, katak iha loro kraik, loron uluk semana nian, uma iha ne’ebé eskolante sira hela, nia odamatan taka metin tan sira tauk Judeu sira, Jesus mosu mai, hamriik iha sira leet hodi dehan: “Dame hela ho imi!” Koalia tiha nune’e, Nia hatudu ba sira Nia liman no sorin. Haré tiha Na’i, eskolante sira haksolok teb-tebes. Jesus lia tun teni ba sira: “Dame hela ho imi!
Nu’udar Ha’u Aman haruka Ha’u mai, nune’e mos Ha’u haruka imi ba.” Hateten tiha ne’e, Nia hu’u iis ba sira dehan: “Simu ba Espírito Santo! Sira ne’ebé imi perdua sira sala, sira hetan duni perdaun; sira ne’ebé imi la perdua sira sala, sira la hetan duni perdaun.”
Today's Pointers on God's Word
As you read the passage what words, phases or meanings caught your attention?
- Iha Evangelho ohin Jesus Moris-hias revela glória husi Ninia moris-hias ba ninia eskolante sira. Nia hatudu sira ninia kanek husi ninia paixaun, hakalma sira nia tauk no fó sira Ninia damen.
- Jesus fó Ninia Apóstolo sira grasa Espírito Santo no haruka sira atu lori Evangelho ba mundu ninia rohan. Apóstolo sira, nakonu ho Espírito Santo la tauk fó sasin ksolok no lialos kona-ba Evangelho liuhusi sira nia moris.
-
Ita fiar iha Espírito Santo Kristu Moris-hias? Jesus sei haruka Ninia Espírito atu hakbiit ita nia fiar iha Ninia promesa sira no ita nia esperansa liuhusi Ninia Moris-hias. Nia hein ita atu husu Nia.