DGEMs

Maluk sira mak Kristu hadomi,

“Tuir Jesus – Objetivu ida mesak iha moris”: Jesus fo-hanoin Pedro atu labele preokupa kona-ba saida mak bele akontese ba apóstolo sira seluk ninia moris. Inportante liu mak nia tau-atensaun hodi tuir no servíJesus nu’udar Messias. Reflete: “Ita hatene distrasaun no tentasaun sira; ne’ebé dada ita dook husi moris-tuir ita nia fiar, esperansa no domin ba Jesus?”

Iha tempu neba. Pedro la’o tuir dadaun Jesus, Pedro fila hodi haré katak eskolante ne’ebé Jesus hadomi tuir sira, katak, ida ne’ebé sader ba Jesus nia hirus matan wainhira sira han hodi dehan: “Na’i, se los mak sei saran Ita ba mate?” Ne’e duni, haré tiha nia, Pedro husu ba Jesus: “Na’i, kona-ba nia sa ida?” 

Jesus hatan: “Ha’u hakarak karik katak nia hela to’o Ha’u fila mai, ne’e sa ida ba o? O tuir de’it Ha’u ba!” Housi ne’e mosu lia ida iha eskolante sira leet katak eskolante ida ne’e sei la mate. Maibé Jesus la dehan ba Pedro, “Nia sei la mate;” Nia dehan de’it “Ha’u hakarak karik nia hela to’o Ha’u fila mai, ne’e sa ida ba o?” Ida ne’e mak eskolante ne’ebé fó sasin kona-ba buat hirak ne’e, no hakerek tiha buat hirak ne’e, no ami hatene katak nia sasin los.