DGEMs

Maluk sira mak Kristu hadomi,

“O hadomi Ha’u?”: Na’i Moris-hias, husu Pedro, “Simão, João nia oan, o hadomi Ha’u liusira ne’e hotu? Pedro hatan, “Tebes duni, Na’i, Ita hatene katak ha’u hadomi Ita. Jesus dehan ba nia, “Tau-matan ba Ha’u nia bibi oan sira.” Reflete: “Jesus konvida ita atu hadomi no tau-matan ba bibi oan sira; hanesan Pedro; domin ne’ebé klean liurelasaunsira seluk. Saida mak ita nia resposta ba Jesus?”

Iha tempu neba, wainhira sira han hotu tiha, Jesus husu ba Simao Pedro: “Simão, João nia oan, o hadomi Ha’u liu fali sira ne’e?” Nia hatan: “Tebes, Na’i, Ita hatene katak ha’u hadomi Ita.” Jesus dehan ba nia: “Fó han Ha’u nia bibi oan sira.” Dala ida tan Nia husu: “Simão, João nia oan, o hadomi Ha’u?” Pedro hatan: “Tebes duni, Na’i, Ita hatene katak ha’u hadomi Ita.” Jesus dehan ba Nia: “Tau matan ba Ha’u nia bibi sira.” 

Ba dala tolu Jesus husu: “Simão, João nia oan, o hadomi Ha’u?” Pedro neon sala tan Jesus husu dala tolu ona ba nia “O hadomi Ha’u?” Nia dehan ba Nia: “Na’i, Ita hatene buat hotu, Ita hatene katak ha’u hadomi Ita.” Jesus dehan ba Nia: “Fó han Ha’u nia bibi sira. Nia koalia nune’e atu fo sai oin sa Pedro sei mate hodi fó glória ba Maromak. Dehan tiha lia hirak ne’e, Jesus dehan ba nia: “Tuir Ha’u mai.”