DGEMs

Maluk sira mak Kristu hadomi,

“Unidade nu’udar Fiar-nain” – Fiar: Jesus harohan ba Ninia eskolante sira no fiar-nainsira, “Aman Maromak halo sira hotu-hotusai ida de’it, nu’udar Ita ida de’it; atu munduhatene katak Ita-Boot hadomi sira; hanesan Ita-Boot hadomi Ha’u.” Reflete: “We sempreabençoado atu iha Fiar Divina no Domin husi Trindade. Mai ita harohan atu ita nia domin ba Maromak, sai objetivu iha ita nia moris.”

Iha tempu neba, Jesus foti matan ba Lalehan hodi dehan, “Aman Santu, Ha’u la harohan de’it ba sira ne’e, maibé mos ba sira ne’ebé sei fiar iha Ha’u tan sira ne’e nia liafuan; atu sira hotu sai ida de’it nu’udar Ita, Aman, horik iha Ha’u, no Ha’u iha Ita; atu sira mos hela iha Ita Na’in rua, nune’e mundu bele fiar katak Ita mak haruka Ha’u mai. Ha’u fó ona ba sira glória ne’ebé Ita fó mai Ha’u, atu sira sai ida de’it, nu’udar Ita Na’in rua ida de’it. Ha’u iha sira, no Ita iha Ha’u; atu sira laran ida de’it teb-tebes, nune’e mak mundu sei hatene katak Ita mak haruka Ha’u mai, no mos katak Ita hadomi sira nu’udar Ita hadomi Ha’u. 

Aman, Ha’u hakarak katak sira mos ne’ebé Ita fó mai Ha’u, hela hamutuk ho Ha’u iha fatin ne’ebé Ha’u hela; atu sira bele haré Ha’u nia glória ne’ebé Ita fó tiha mai Ha’u tan Ita hadomi Ha’u molok mundu hahú.