DGEMs

Maluk sira mak Kristu hadomi,

“Jesus ninia Revelasaun kona-ba Ninia Aman” – Fiar: Jesus harohan, “Aman, Ha’u hatudu Ita-Boot nia naran ba hirak ne’ebé Ita-Boot hili husi mundu mai Ha’u; sira halo-tuir Ita-Boot ninia liafuan.” Reflete: “Humanidade hotu-hotu, pertense ba Aman Maromak, Kriador. Nia fó sira ba Jesus atu revela Lialos kona-ba Ninia Divindade no Ninia Misaun ba Salvasaun Rohan-laek; ne’ebé hakerek iha Orasaun Ami Aman.

Iha tempu neba, Jesus foti matan ba lalehan dehan: “Aman, oras to’o ona mai. Fó glória ba ita Oan Mane, atu ita Oan Mane bele fó glória ba Ita; nu’udar Ita fó ona ba Nia kbiit atu ukun ema tomak, atu fó moris rohan laek ba sira hotu ne’ebé Ita tau iha nia liman. Ne’e mak moris rohan laek: hatene Ita nu’udar Maromak los mesak de’it, no Jesus Kristu ne’ebé Ita haruka mai.” 

Ha’u hahi ona Ita iha rai hodi halo to’o rohan serbisu ne’ebé Ita haruka Ha’u atu halo. Aman, oras ne’e hahi fali Ha’u ba ho glória ne’ebé Ha’u iha ho Ita, molok  mundu mosu mai.” Ha’u haklaken tiha Ita naran ba ema sira ne’ebé Ita haraik mai Ha’u housi mundu. Sira Ita nian no Ita fó sira mai Ha’u; sira moris tuir ona Ita nia liafuan. 7Oras ne’e sira hatene katak buat hotu ne’ebé Ita fó tiha mai Ha’u mai housi Ita.