DGEMs

Maluk sira mak Kristu hadomi,

“União ho Jesus no Aman Maromak” – Fiar: Jesus haklaken ba Ninia eskolante sira, “Buat ne’ebé imi husu ba Ha’u Aman; hodi Ha’u Naran; imi sei simu. Aman Maromakhadomi imi tan imi hadomi Ha’u.” Reflete: “Ita nia fiar iha Maromak ita nia Aman, Oan no Espírito Santodistinta maibé, inseparada. Harohan ba sabedoria divina atu moris-tuir no hakleanFiar Trindade ne’e”.

Iha tempu neba, Jesus lia tun ba eskolante sira nune’e, “Tebes, tebes, Ha’u dehan ba imi, imi husu buat naran de’it ba Aman, Nia sei haraik ba imi hodi Ha’u nia naran. To’o ohin imi la dauk husu buat ida hodi Ha’u nia naran. Husu ba; imi sei simu, atu imi nia ksolok sei sai lo-los.” “Ha’u hateten ona buat hirak ne’e ba imi ho aiknanoik sira, oras sei mai wainhira Ha’u sei la koalia tan ho aiknanoik sira, maibé Ha’u sei hateten mo-mos ba imi kona-ba Aman. 

Iha loron neba, imi sei husu hodi Ha’u nia naran; no Ha’u la dehan katak Ha’u sei husu ba Aman tamba ba imi, basá Aman rasik hadomi imi, tamba imi hadomi tiha Ha’u hodi fiar katak Ha’u mai housi Aman. Ha’u mai housi Aman hodi mai iha mundu; Ha’u atu husik fali mundu hodi fila ba Aman.”