DGEMs

Maluk sira mak Kristu hadomi,

“Belun no la’os Jesus ninia atan”: Jesus haklaken ba Ninia eskolante sira, “Ida ne’e mak Ha’u nia Ukunfuan: imi sei hadomi malu, hanesan Ha’u hadomi imi. Ha’u bolu imi ‘belun’; la’os atan.” Reflete: “Jesus konvida ita atu haklean ita nia domin ba Nia; pesoalmente, nu’udar Ninia belun. Relasaun furak sira ruma iha ita nia moris; liu-fali relasaun ho Jesus?”

Iha tempu neba, Jesus dehan ba eskolante sira, “Ida ne’e mak ha’u nia ukunfuan: imi hadomi malu nu’udar Ha’u hadomi tiha imi. Ema ida labele hadomi liu fali ema ne’ebé saran nia moris tan nia belun sira. Imi Ha’u nia belun sira wainhira imi halo tuir buat ne’ebé Ha’u haruka ba imi. Ha’u la bolu ona imi atan, basá atan la hatene nia na’in halo sa; maibé Ha’u bolu imi belun, tan Ha’u fó hatene ona ba imi lia hotu ne’ebé Ha’u rona housi Aman. 

La’os imi mak fihir Ha’u, maibé Ha’u mak fihir imi, hodi haruka imi ba atu ba fó fuan, no imi nia fuan hela ba nafatin, nune’e buat hotu ne’ebé imi husu ba Aman hodi Ha’u naran, Nia sei haraik ba imi. Ha’u haruka imi: hadomi malu.”