DGEMs

Maluk sira mak Kristu hadomi,

“Jesus, uvas hun, uvas nain”: Jesus haklaken, “Ha’u mak uvas hun los no Ha’u aman mak Uvas-Nain. Hela iha Ha’u; imi sei fó fuan barak. Nomos, ha’u Aman sei tau-matan baimi atu fó fuan di’ak liu tan.” Reflete: “Jesus haklaken katak ita deveser unidu ho Nia. Nomos, aseitakruz iha ita nia fiar; se ita hakarak atu krese iha Maromak ninia hakaran.”

Iha tempu neba, Jesus dehan ba eskolante sira, “Ha’u mak uvas hun lo-los, Ha’u Aman mak to’os na’in. Sanak hotu ne’ebé la fó fuan Nia hasai tiha, no sanak ne’ebé fó fuan Nia hamos didiak atu fó fuan liu tan. Imi mos ona tamba liafuan ne’ebé Ha’u hateten ona ba imi. Hela iha Ha’u ba, no Ha’u iha imi. Nu’udar uvas sanak ne’ebé haketak housi hun labele fó fuan mesa-mesak, nune’e mos imi, wainhira imi la hela iha Ha’u. 

Ha’u mak uvas hun, imi sanak sira; ema ne’ebé hela iha Ha’u no Ha’u iha nia, ema ne’e fó fuan barak; basá la hodi Ha’u, imi labele halo buat ida. Maibé imi hela iha Ha’u karik, no Ha’u nia liafuan hela iha imi, husu buat ne’ebé imi hakarak ba, no sei fó duni ba imi. Iha ne’e mak Ha’u Aman hetan glória: katak imi fó fuan barak hodi sai Ha’u nia eskolante sira.