DGEMs

Maluk sira mak Kristu hadomi,

“Hadomi Jesus”: Iha Evangelho ohin Jesus dehan, “Ema ne’ebé moris tuir Ha’u ukunfuan mak ida ne’ebé hadomi Ha’u. Ha’u Aman sei hadomi nia; no Ha’usei hadomi no hatudu Ha’u An ba nia.” Reflete: “Atu moris tuir Jesus ninia ukunfuan sira mak la’osobedeseba lei. Hadomi Jesus liuhusi moris tuir ninia Ukunfuan sira; ho damen, fidelidade no ksolok.”

Iha tempu neba, Jesus dehan ba eskolante sira, “Ema ne’ebé simu hodi halo tuir Ha’u nia ukunfuan, nia mak hadomi Ha’u; no ema ne’ebé hadomi Ha’u, Ha’u Aman sei hadomi nia; no Ha’u sei hadomi nia hodi hatudu ba nia Ha’u An rasik.” 

Jesus hatan dehan ba nia: “Ema ne’ebé hadomi Ha’u sei halo tuir Ha’u liafuan, no Ha’u Aman sei hadomi nia; Ami sei mai iha nia, hodi horik ho nia. Ema ne’ebé la hadomi Ha’u la halo tuir Ha’u nia liafuan; no liafuan ne’ebé imi rona dau-daun  la’os Ha’u nian, maibé mai housi Aman ne’ebé haruka Ha’u mai.” “Ha’u hateten lia hirak ne’e ba imi wainhira Ha’u sei hela ho imi; maibé Ksolok Na’in, katak Espírito Santo, ne’ebé Aman sei haruka hodi Ha’u nia naran, sei hanorin imi buat hothotu, hodi halo imi hanoin fali buat tomak ne’ebé Ha’u hateten ona ba imi.