4ª Semana Tempu Páscoa: Sesta-feira, loron 01 fulan-Maiu 2026, May 1, 2026

Reflection on the WORD

Maluk sira iha Kristu hadomi,

“Jesus’ ninia hakaran mai ita” – Fiar: Jesus garantia Ninia eskolante sira katak wainhira Nia mate, Nia sei fila ba Aman ninia Uma iha lalehan; atu prepara fatin ba sira. Jesus dehan, “atu nune’e imi hamutuk ho Ha’u iha fatin ha’u hela-ba.” Reflete: Jesus husu ita, ‘nu’udar Ninia eskolantesira’, ‘imi hadomiHa’u lorloron; atu nune’e imi bele moris hamutuk, iha ksolok husi lalehan tinan ba tinan?

João 14:1-6

Iha tempu neba Jesus hateten ba Ninia eskolante sira, “Imi neon keta susar. Imi fiar iha Maromak, fiar mos iha Ha’u. Iha Ha’u Aman nia uma iha fatin wa’in. Lae karik, Ha’u dehan ba imi katak Ha’u ba hadia fatin ba imi?’ Wainhira Ha’u ba ona hodi hadia ona fatin ba imi, Ha’u sei fila hikas mai hodi lori imi ho Ha’u; nune’e, iha fatin ne’ebé Ha’u hela, imi mos sei hela ba. Ba fatin ne’ebé Ha’u atu ba, imi hatene ona dalan.” 

Tomé dehan ba Nia: “Na’i, ami la hatene Ita ba los ne’ebé; oin sa ami bele hatene dalan?” Jesus hateten ba nia: “Ha’u ne’e dalan, lialos no moris. Ema ida la liu karik housi Ha’u, nia labele hakbesik Ha’u Aman.

Today's Pointers on God's Word

As you read the passage what words, phases or meanings caught your attention?

  • Jesus hatene katak depois Nia fila ba Aman Maromak, Ninia eskolante sira sei hasoru adversáriu no difikuldade barak. Nia asegura no dehan katak Nia sei ba prepara fatin ba sira. 
  • Jesus hatene katak ita mos sei hasoru difikuldade sira iha ita-nia moris. Nia mos asegura ita kona-ba jornada segura ba lalehan ho Maromak ita-nia Aman, wainhira ita besik no fiél ba Nia. 
  • Passa tempu balun ohin atu reflete kona-ba Jesus ninia Liafuan sira ‘Ha’u mak Dalan, Lialos, no Moris. Laiha ema ida ba Aman Maromak se la liu husi Ha’u. Repete liafuan ne’e ba ita nia an kontinuamente no neneik. Permiti liafuan sira ne’e horik iha ita nia neon, isin no klamar.