DGEMs

Maluk sira mak Kristu Hadomi,

“La-Fiar” iha Jesus: Judeu sira husu Jesus, “Se O mak Messias, hateten los kedas mai ami.” Jesus hatan, “Ha’u hateten ona ba imi; hahalok sira ne’ebé Ha’u halo hodi Ha’u Aman ninia naran sai sasin kona-ba Ha’u; maibé imi la fiar.” Reflete: “Fiar nu’udar prezenti husi Maromak; maibé prezenti ne’e bele ‘lakon’ se ita-nia fiar fraku, no se ita falta apresiasaun ba Maromak ninia domin, laran-luak no kompaixaun.”

Iha tempu neba, iha Jerusalem sira halo dau-daun festa dedikasaun templu nian iha tempu malirin. Iha templu, Jesus la’o iha portiku Salomão nian. Judeu sira haleu Nia hodi husu: “To’o wainhira O sei husik ami iha nakukun laran? O mak Messias karik, hateten los kedas mai ami.” 

Jesus hatan ba sira: “Ha’u hateten ona ba imi, maibé imi la fiar. Hahalok sira ne’ebé Ha’u halo hodi Ha’u Aman nia naran fó sasin kona-ba Ha’u, maibé imi la fiar, basá imi la’os Ha’u nia bibi sira. Ha’u nia bibi sira rona Ha’u nia lia; Ha’u hatene sira, no sira tuir Ha’u. Ha’u fó ba sira moris rohan laek. Sira la lakon ba nafatin, no ema ida sei la hadau sira housi Ha’u nia liman.