DGEMs

Maluk sira mak Kristu Hadomi,

“Jesus no Moris Rohan-laek - Fiar: Jesus haklaken katak Nia mak “Odomatan” ba Moris Rohan-laek. Ninia bibi sirasei la tuir ema ‘leet ida’ tanba sira lakoñese ninia lian.” Reflete: “Fiar nain forte ida hatene katak Jesus mak Dalan, Lialos no Roman ba Moris Rohan-laek. Atu halakon ema ruma ninia fiar iha Jesus mak harahun ema ruma ninia propózitu iha moris.”

Jesus hateten nune’e, “Tebes, tebes, Ha’u dehan ba imi: ida ne’ebé la tama ba bibi luhan housi odamatan maibé tama housi fatin seluk, ema ne’e na’okten ida no buka de’it atu han. Maibé ida ne’ebé tama housi odamatan, nia mak bibiatan. Ida ne’ebé hein odamatan loke ba nia; bibi sira rona nia lia, nia bolu bibi sira hodi sira nia naran, no lori sira ba liur. Hasai tiha nia bibi sira hotu, nia la’o uluk; bibi sira tuir nia, tan sira hatene nia lia. Maibé bibi la tuir ema leet ida; sira halai housi nia, tan sira la hatene ema ne’e nia lia.” 

Ha’u mak odamatan. Ida ne’ebé liu housi Ha’u sei hetan maksoin; nia sei tama no sai hodi hetan du’ut matak. Na’okten mai atu na’ok, atu oho, atu harahun de’it. Ha’u mai atu ema hetan moris, hodi hetan moris ne’e wa’in liu tan.