DGEMs

Maluk sira mak Kristu Hadomi,

Evangelizasaun kona-ba Fiar”: Jesus fó-misaun ba apóstolo nain-11 atu la’o ba mundu tomak; haklaken Liafuan Diak ba kriatura sira hotu. Ema ne’ebé fiar sei hetan salvasaun; ema ne’ebé la fiar sei hetan todan.” Reflete: “Nu’udar sarani, ita iha responsabilidade atu fahe ita-nia fiar, no dada ema seluk atu hatene no hadomi Jesus, pessoalmente liu.”

Nia dehan ba sira, “La’o ba mundu tomak ba, haklaken liafuan diak ba buat hot-hotu. Ema ne’ebé fiar no simu batizmu sei hetan maksoin; maibé ema ne’ebé la fiar sei hetan todan. Sinal sira ne’ebé sei hela ho sira ne’ebé fiar mak ne'e: hodi Ha’u nia naran sira sei duni sai diabu sira; sira sei koalia lia mesak foun oi-oin; sira sei kaer samea sira; sira hemu karik buat moruk no lanuk ruma, sira sei la hetan susar ida. Sira sei tau liman ba ema moras sira, no sira ne'e sei hetan isin diak fali. 

Na’i Jesus koalia hotu tiha ba sira, Nia sa'e ba lalehan hodi hatodan An iha Maromak nia kuana. Hafoin sira sai hodi haklaken liafuan diak iha fatin hot-hotu. Na’i fó tulun ba sira no hametin sira nia liafuan ho milagre oi-oin.