DGEMs

Maluk sira mak Kristu Hadomi,

“Fiar - Klean?”: Eskolante sira iha Dalan ba Emaus; hatudu oinsa ita-nia trauma psikolójiku bele hases ita husi Lialos kona-ba Liafuan Diak Salvasaun nian. Reflete: “Ita-nia tauk sira dala barak mai husi ita-nia inseguransa emosional. Se Maromak la’os ita-nia protesaun iha moris; ita bele hakesi an ba protesaun falsa iha mundu ne’e hanesan rikusoin mundu, honra, no glorifika-an.”

Eeskolante na’in rua la’o ba knua ida naran Emaus, besik kilometru ualu housi Jerusalem. Sira koalia ba malu kona-ba buat ne’ebé mosu. Sira sei koalia hodi haksesuk malu dau-daun, Jesus rasik hakbesik hodi la’o hamutuk ho sira. Maibé sira nia matan la dauk nakloke atu hatene Nia. 

Nia dehan ba sira: “Imi koalia ba malu kona-ba saida tuir dalan?” Sira hatan: “Kona-ba Jesus Nazare, profeta ida beran boot iha lia no hahalok iha Maromak no povu tomak nia oin: oinsa ita nia amlulik boot no na’i ulun sira saran Nia ba mate hodi hedi Nia ba cruz. Ami hanoin katak Nia mak atu soi Israel, maibé liu ona loron tolu mak buat hirak ne’e mosu. 

Nia dehan ba sira: “Imi ema beik duni, no neon badak atu fiar buat hotu ne’ebé profeta sira hateten! Hafoin, hahú housi Moises no profeta sira hotu, Nia hatudu ba sira buat hotu ne’ebé hakerek tiha kona-ba Nia.