Semana Daruak iha Tempu Páscoa: Sesta-feira, loron 17 fulan Abril 2026, April 17, 2026

Reflection on the WORD

Maluk sira mak Kristu Hadomi,

“Resposta humana no Divina” - Fiar:Ema rihun lima hamlaha, depois de rona Jesus. Resposta husi Filipe no André bazeia ba kapasidade humana. Maibé, Jesus halo milagre, fó han ema hotu-hotu; no sei iha hahan resin. Reflete: “Wainhira ita hasoru dezafiu sira boot liu ita, ita buka Jesus ho fiar, esperansa no domin kleaniha Nia ka la’e?

João 6:5-11

Foti tiha matan hodi hare katak ema lubun boot mai hasouru  Nia, Jesus dehan ba Filipe: “Ita sosa pão iha ne’ebé los atu ema sira ne’e bele han?” Jesus koalia nune’e atu koko nia, basá Nia hatene ona atu halo sa. Filipe hatan ba Nia:” Pão osan atus rua nian mos sei la to’o atu ema ida-ida simu pão baluk oan ida.” 

Nia eskolante ida, André, Simão Pedro nia alin, hateten ba Nia. “Iha ne’e, iha labarik oan ida ho pão fuan lima no ikan rua; maibé ne’e to’o oinsa los ba ema barak ne’e?” Jesus lia tun, dehan: “Haruka mane sira ne’e tur hotu.” Iha fatin neba iha du’ut barak. Mane sira besik rihun lima tur tiha hotu. 

Kaer tiha pão, Jesus fó agradese, hodi fahe ba ema sira ne’ebé tur iha neba; Nia halo mos nune’e ho ikan sira. Sira han to’o sira hakarak.  

Today's Pointers on God's Word

As you read the passage what words, phases or meanings caught your attention?

  • Evangelho ohin hatudu momos oinsa Maromak sempre haraik ita-nia necesidade sira. Wainhira Nia fó, Nia fó iha abundansia ne’ebé ita rasik laiha kbiit atu fó mai ita an rasik. Ita konsiente oinsa ita esperiensia abundasia sira iha sasan no espiritual?
  • Maromak mos hakarak ita fahe saida mak ita simu ona husi Nia ba ema seluk jenerozamente hanesan Nia haraik mai ita; liuliu hirak ne’ebé presiza.
  • Sasan ruma iha mundu ne’e bele satisfaz ita-nia hakaran no hamlaha ba assuntu espiritual? Ne’e hatudu katak Maromak de’it, liuhusi Jesus ita-nia Na’i no Maksoyn no liuhusi Kbiit Espírito Santo, bele satisfaz ita-nia hamlaha espiritual.