DGEMs

Maluk sira mak Kristu Hadomi,

“Rejeisaun kona-ba Liafuan Diak”: Jesus haklaken, “Ema se rejeita atu fiar iha Oan Mane sei laiha moris. Reflete: “Iha Maromak ninia mizerikordia, Nia kontinua haraik mai ita grasa wain; maske ita rejeita oportunidade sira atu fiar iha Ninia Lialos Salvasaun. Nia kontinua atu iha esperansa atu ita sei nakfila-an no foti desizaun responsável iha ita-nia moris.”

João Batista dehan ba ninia eskolante sira, “Ida ne’ebé mai housi leten, Nia iha ema hotu nia leten. Ida nebe mai housi rai, rai ne’e nian, nia koalia kona-ba rai. Ida ne’ebé mai housi lalehan, nia aas liu hotu. Nia fó sasin kona-ba buat ne’ebé Nia hare no rona, maibé ema la simu nia sasin. Ema ne’ebé simu nia sasin hatudu lo-los katak Maromak koalia lialos. Basá ida ne’ebé Maromak haruka, Nia fó sai Maromak nia liafuan, basá Maromak la haraik Espírito hodi sukat de’it. 

Aman hadomi Oan Mane no saran ba Nia liman buat hothotu.  Ema ne’ebé fiar iha Oan Mane hetan moris rohan laek; maibé ema ne’ebé lakohi rona Oan Mane sei la hare moris, no Maromak nia laran nakali horik iha nia.