DGEMs

Maluk sira mak Kristu Hadomi,

“Maromak nia Roman - Lialos”: Jesus haklaken ba Nicodemos, “Maromak hadomi mundu to’o Nia fó Ninia Oan Mane mesak; atu nune’e ema hotu ne’ebé fiar iha Nia, la lakon, maibé iha moris rohan-laek. Reflete: “Maromak ninia Roman no Lialos fó ita propózitu, diresaun no destinasaun ba Ksolok Rohan-laek! Moris iha discernimentu tuir Maromak ninia hakaran no lalaok sira.”

Jesus dehan ba Nicodemos: ‘Maromak hadomi tebes mundu to’o fó Nia Oan Mane mesak, atu ema hotu ne’ebé fiar iha Nia la bele lakon, maibé hetan moris rohan laek. Basá, Maromak la haruka nia Oan Mane mai iha mundu atu tesi lia ba mundu, maibé atu mundu hetan maksoin hodi Nia. 

Sei la tesi lia ba ema ne’ebé fiar iha Nia, maibé ema ne’ebé la fiar ema tesi lia ona, basá la fiar iha Maromak nia Oan Mane mesak nia naran. Sira hetan kastigu nune’e: roman mai iha mundu, maibé ema sira hadomi nakukun liu fali roman, basá sira nia hahalok aat. Basá ema hotu ne’ebé halo aat hakribi roman, no nia la hakbesik ba roman atu ema labele si’ak nia hahalok sira. Maibé ema sira ne’ebé moris tuir lialos hakbesik ba roman atu nia hahalok hotu mosu mo-mos nu’udar halo iha Maromak.”