DGEMs

Maluk sira mak Kristu Hadomi,

“Fiar ho Sabedoria”: Nicodemos, Farizeu ninia emabot ida, fiar iha Jesus nu’udar messias. Nia buka Jesus iha kalan; atu aprende di’ak liu kona-ba Liafuan Diak husi Salvasaun Rohan-laek. Reflete: “Jesus konvida ita atu iha Nicodemos ninia sabedoria: fiar ne’ebé buka Lialos ho korajen, prudensia no haraik-an.

Iha Fariseu ida naran Nicodemos, emboot ida Judeu sira nian. Iha kalan nia mai koalia ho Jesus, dehan: “Rabbi, ami hatene katak Ita boot mai housi Maromak nu’udar mestre, tan ema ida labele halo sinal sira ne’ebé Ita halo wainhira Maromak la hela ho nia.” 

Jesus hatan ba nia dehan: “Tebes, tebes, Ha’u dehan ba o katak ema la moris fali karik, nia labele hare Maromak nia reinu.” Nicodemos hateten ba Nia: “Oinsa ema katuas ida bele moris fali? Nia bele tama fali iha inan nia laran atu moris hikas?” 

Jesus hatan ba nia: “Tebes, tebes, Ha’u dehan ba o: ema la moris housi be no Espírito karik, nia labele tama iha Maromak nia reinu. Buat ne’ebé moris housi isin, isin nian; no buat ne’ebé moris housi Espírito, Espírito nian. Keta hakfodak tamba Ha’u  dehan ba o, ‘Imi tenki moris fali housi leten.’ Anin hu’u ba fatin ne’ebé nia hakarak; o rona nia lia, maibé o la hatene nia mai housi ne’ebé no nia ba ne’ebé . Nune’e mos ho ema hotu ne’ebé moris housi Espírito.”