DGEMs

Maluk sira mak Kristu Hadomi,

“Divina Misericordia” - Fiar: Jesus mosu ba ninia apóstolo sira; no fó-hanoin Tomé, ne’ebé iha dúvida katak Jesus moris hias ona. Jesus louva sira ne’ebé “fiar” iha Ninia Moris-hias; maske sira la hare Nia.” Reflete: “Ita-nia sentimentu inseguru sira kria tauk no ita-nia dúvida halo-fraku ita-nia fiar iha Maromak? Harohan husu grasa atu fiar tomak Maromak. Nia sei la failla ita.”

Tomé, sira na’in sanulu resin rua ne’e ida, ne’ebé ema hanaran Kaduak, la hamutuk ho sira wainhira Jesus mosu. Tan ne’e, eskolante sira hateten ba nia: “Ami hare ona Na’i!” Maibé nia hatan ba sira: “Ha’u la hare karik besi kusan nia kuak iha Nia liman, la tau karik ha’u nia limanfuan iha besi kusan fatin, no la hatama karik ha’u nia liman iha nia sorin, ha’u sei la fiar.” 

Liu tiha loron ualu, eskolante sira halibur fali iha uma laran. Tomé mos hamutuk ho sira. Odamatan sei taka hela, Jesus mosu hodi hamriik iha sira leet dehan: “Dame hela ho imi!” Hafoin Nia hateten ba Tomé: “Lori o nia limanfuan mai, no hare Ha’u nia liman; lolo o nia liman hodi hatama iha Ha’u nia sorin. O keta laran toos, maibé fiar!” 

Tomé hatan dehan ba Nia: “Ha’u Na’i, ha’u Maromak!” Jesus lia tun teni ba nia: “O fiar tan o hare tiha Ha’u? Ksolok ba sira ne’ebé fiar maski la hare.”