Oitavo Páscoa: Sábadu, loron 11 fulan Abril 2026, April 11, 2026

Reflection on the WORD

Maluk sira mak Kristu Hadomi,

“Na’i Moris-hias! - Fiar: Na’i Moris-hias mosu ba Maria Madalena; ne’ebé hatutan Liafuan Diak ne’e ba Jesus ninia apóstolo sira. Maibé, sira la fiar; maske Jesus hateten ona ba sira katak Nia sei moris hias. Reflete: “Maske nune’e, Na’i Moris-hias kontinua iha konfiansa tomak katak Ninia apóstolo sira sei fiel; iha haklaken Lialos - Nia moris hias ona!”

Mc.16:9-15

Moris hi’as tiha ona iha dadersan loron uluk semana nian, Jesus mosu uluk knanain ba Maria Madalena, ida housi ne’ebé Nia duni sai diabu na'in hitu. Tuir mai, feto ne'e fó hatene ba sira ne’ebé la'o hamutuk ho Nia; sira ne'e laran nakraik hodi tanis. Sira rona katak Jesus moris ona no Maria hare Nia, maibé sira la fiar. 

Buat hirak ne’e hotu tiha, Jesus mosu mos ho lalenok seluk ba ema na'in rua nebe la'o dau-daun ba to’os. Sira ne'e fó hatene ba sira seluk, maibé sira la fiar mos sira ne'e. 

Ikus mai, wainhira sira sanulu resin ida tur dau-daun iha mesa, Nia mosu hodi si’ak sira nia fiar laek no ulun fatuk toos, basá sira la fiar sira ne’ebé hare Nia moris hi’as ona. Nia dehan ba sira, “La’o ba mundu tomak ba, haklaken Liafuan Diak ba kriatura hot-hotu.

Today's Pointers on God's Word

As you read the passage what words, phases or meanings caught your attention?

  • Kada ita iha ita-nia esperiensia pessoal kona-ba Kristu Moris-hias iha ita-nia moris. Ita tenki fahe ita-nia esperiensia sira ne’e ho ema seluk atu nune’e ita fiar sai forte no hariku malu. 
  • Ita-nia esperiensia komunal kona-ba Kristu Moris-hias mak “viva” liu tanba kada ema ninia don/grasa sai grasa ba ema seluk no partilla ida nune’e sei hakaman komunidade atu fó-sasin ba maluk seluk no ba ema sira laiha fiar. 
  • Reflete kona-ba lialos sira ne’e no husu ita-nia an, “Oinsa ha’u bele fahe no hariku ha’u-nia fiar iha ha’u-nia família, belun sira no komunidade paroquial didiak no efektivu liu?