DGEMs

Maluk sira mak Kristu Hadomi,

“Última Ceia - Fiar: Durante “Última Ceia” ho Ninia apóstolo, Jesus dehan katak Judas sei trai Nia to’o Ninia mate. Reflete: “Jesus hatene oinsa ita mos bele trai Nia. Maibe, hanesan Judas, Jesus respeita ita nia liberdade. Mai ita, valoriza Maromak ninia prezenti liberdade klean liu; nola uza sala. Ita tenki haklean ita nia domin ho Jesus lorloron.”

Iha loron uluk festa Pão fermentu laek nian, nia eskolante sira ba husu Jesus; “Ita hakarak ami ba hadia ba Ita sasan atu han Páscoa iha los ne’ebé?” Nia hatan: “Ba hasouru ema ida iha sidade hodi dehan ba nia: ‘Mestre dehan: ‘Ha’u nia tempu besik ona; iha o nia uma mak Ha’u sei halo Páscoa hamutuk ho ha’u nia eskolante sira.’” 

To’o ona loraik, Nia tur iha meja hamutuk ho sira na’in sanulu resin rua. Wainhira sira han dau-daun, Nia dehan: “Tebes, Ha’u dehan ba imi; imi ida sei saran Ha’u.” Ho neon nakraik teb-tebes, sira ida-ida hahú dehan ba nia: “Keta ha’u karik, Na’i?” 

Nia hatan: “Ida ne’ebé hatama nia liman hamutuk ho Ha’u iha bikan, nia mak sei saran Ha’u. Oan Mane tuir nia dalan nu’udar hakerek nanis ona kona-ba Nia; maibé susar boot ba ema ne’ebé saran Oan Mane ba mate: nia la moris karik kala di’ak liu!” Judas, ida ne’ebé saran Nia dehan; “Keta ha’u karik, Mestre?” Jesus hatan ba nia: “O rasik mak dehan.”