DGEMs

Maluk sira mak Kristu Hadomi,

“Jesus Profesa” – Nia mate: Hafoin Judas Iskariotes husik tiha han kalan ba dala ikus; hodi trai Jesus, Nia fó sai ba nia Apostlu sira; katak Nia mate besik ona. Pedro foti lia makas dehan nia sei mate ho Jesus; se Nia mate. Reflete; “it abele iha dezeju boot atu moris, servi no mate ba Jesus, hanesan Pedro. Maibé, harohan ho fuan; ba grasafiar metin nian.”

Wainhira Judas sai tiha, Jesus dehan: “Ohin Oan Mane simu tiha Glória , no Maromak sei simu Glória  iha Nia. Maromak simu karik Glória  iha Nia, Maromak mos sei fó Glória  ba Nia iha Nia An rasik no sei fó Glória  kedas ba Nia. Kosok oan sira, tempu uitoan de’it ona mak Ha’u sei hela ho imi. Imi sei buka Ha’u, no hanesan Ha’u dehan ona ba Judeu sira, ohin Ha’u dehan mos ba imi: ‘Ba fatin ne’ebé Ha’u sei ba, imi la bele ba.’ 

Simao Pedro dehan ba Jesus: “Na’i, Ita ba ne’ebé?” Jesus hatan ba nia: “Ba fatin ne’ebé Ha’u sei ba, ohin o la bele tuir, maibé o sei tuir aban bainrua.” Pedro simu dehan: “Na’i, tansa ha’u la bele tuir Ita ohin? Ha’u sei saran ha’u nia moris tamba Ita!” Jesus lia tun fali ba nia: “O sei saran o nia moris ba Ha’u? Tebes, tebes, Ha’u dehan ba o katak molok manu kokorek, o sei heli Ha’u dala tolu.”