DGEMs

Maluk sira mak Kristu Hadomi,

“Jesus nia Paisaun” – Fiar: Paisaun Jesus nian intensifika liu tan/manas; tamba nia hetan kondena makas husi Pilatus. Amu-lulik boot and katuas sira planu atu estraga Jesus ho dalan oin-oin; maske Nia mak Mesias. Reflete; “ ita-nia arogansia, liu-liu bainhira ita hetan bosok husi espiritu aat sira; la iha limita. Reza atu ita keta monu ba salan sira ne’e.

Jesus hamriik iha emboot nia oin ne’ebé husu ba Nia: “O Judeu sira nia liurai?” Jesus hatan: “Ita rasik mak dehan.” Iha loron festa, emboot toman atu husik sai housi kadeia ema dadur ida ne’ebé povu hakarak. Maibé amlulik boot sira ho katuas sira soran povu atu husu Barrabas hodi oho Jesus. 

Wainhira Pilatus hare katak nia la bele halo tan buat ida, basa ema sira hetok haklalak liu tan, nia fase liman iha ema lubun boot nia oin hodi dehan: “Ha’u nia liman mos kona-bá ema ne’e nia ran: imi mak hare ba.” Tuir mai Pilatos husik Barrabas ba sira, maibé haruka baku Jesus hodi saran Nia ba sira atu hedi Nia ba krus. Sira kolu nia hatais hodi taka fali ho unuk mean ida. Hafoin sira leu aitarak hamutuk hodi tau iha nia ulun; sira halo Nia kaer fafulu ida ho nia liman los. Sira hakneak iha nia oin hodi hamoe Nia dehan: “Salve, Judeu sira nia liurai!”  Hamoe tiha Nia, sira kolu unuk mean hodi fó fali nia hatais. Hafoin sira lori Nia atu hedi iha krus. 

Besik tuku tolu Jesus hakilar ho lia maka'as: “Eli, Eli lama sabaktani?” katak, “Maromak, Ha’u nia Maromak tansa Ita husik Ha’u mesak?” Tu'ir mai, hakilar maka'as dala ida tan, Jesus iis kotu.