DGEMs

Maluk sira mak Kristu Hadomi,

“Moris Insiguransa” – Fiar:Amu-lulik boot no Farizeu sira diskute kona-ba saida mak sira atu halo ba Jesus; ne’ebe haklaken Liafuan diak Salvasaun Rohan-laeknian; no ema sira tuir Nia aumenta barak tebes. Reflete; “se ita iha Jesus nu’udar ita-nia siguransa moris; ita sei la iha tauk; tan Providensia Maromak nian sei proteje no kuidadu ita.”

Maibé sira balun ba fó hatene ba fariseu sira buat ne’ebé Jesus foin halo. Amlulik boot sira no fariseu sira halibur hamutuk hodi dehan: “Ita atu halo sa los tan ema ne’e halo milagre barak? Ita husik nia nune’e karik, ema hotu sei fiar Nia, hafoin Romano sira sei mai hasai housi ita ita nia templu ho nasaun tomak.” 

                Maibé sira ida, naran Kaifas, amlulik boot ba tinan neba, hateten ba sira: “Imi la hatene buat ida! Imi la hatene katak, diak liu ba imi ema ida de’it mak mate ba povu, liu fali nasaun tomak lakon!” Nia la dehan ne’e tan nia an rasik, maibé tamba nia mak amlulik boot iha tinan ne’e; nia si’ik katak Jesus sei mate tan nasaun no la’os ba nasaun de’it, maibé atu halibur hamutuk ho neon ida de’it Maromak nia oan sira namkari lemo rai. Hahu housi loron ne’e, sira futu lia atu oho Nia.