DGEMs

Maluk sira mak Kristu Hadomi,

“Jesus mak Oan-mane” – Fiar: Evangelho ohin, Jesus fo-sai ba Farizeu sira katak “Nia mak Oan-mane,” “Mesias” ne’ebe Aman Maromak sei haruka mai. No, depois Nia ema hedi ba Kruz no moris hias; sira sei fiariha Nia? Reflete; ho Grasa Maromak nian mak ita bele fiar no moris tuir lia-loos salvasaun nian.

Jesus lia tun ba sira, dehan: “Imi mai housi kraik, Ha’u mai housi leten; imi mundu ne’e nian, Ha’u la’os mundu ne’e nian. Ha’u dehan ba imi katak imi sei mate iha imi nia sala. Imi la fiar karik katak Ha’u mak Ha’u, imi sei mate duni iha imi nia sala.” 

               Sira husu ba Nia: “O se los?” Jesus hatan: “Ha’u hateten ona ba imi houri uluk kedas buat ne’ebé Ha’u dehan ba imi. Ha’u sei iha buat barak atu koalia no tesi lia kona-bá imi. Maibé ida ne’ebé haruka Ha’u mai, Nia los; no Ha’u fó sai ba mundu buat sira ne’e ne’ebé Ha’u rona housi Nia.” Sira la hatene katak Nia koalia ba sira kona-bá Aman. Ne’e duni, Jesus dehan: “Wainhira imi sei foti tiha Oan Mane, iha oras neba mak imi sei hatene katak Ha’u mak Ha’u, no katak Ha’u la halo buat ida hodi Ha’u rasik, maibé Ha’u koalia buat hirak ne’e nudar Aman hanorin Ha’u. Ida ne’ebé haruka Ha’u mai hela ho Ha’u; Nia la husik Ha’u mesak, basa Ha’u halo nafatin buat ne’ebé fó ksolok ba Nia.” Jesus hateten buat sira ne’e, no ema barak fiar Nia.