DGEMs

Maluk sira mak Kristu Hadomi,

“Jesus mak Sé?” - Fiar:Ema lubun iha hanoin ne'ebé la hanesan kona-ba sé loos mak Jesus. Balun dehan, “Nia mak profeta ida”; seluk dehan “Kristu”; no seluk tan dehan Nia mai husi David nia gerasaun, no husi Belém. Reflete; “Bainhira ita buka ho laran tomak atu hakle’an ita-nia relasaun ho Jesus; Espíritu Santu sei nunka para atu hatudu, sé mak Jesus, Messias ba ita.”

Wainhira sira housi ema lubun boot rona liafuan hirak ne’e, balun dehan: “Ema ne’e profeta tebes duni.” Balun dehan fali: “Nia mak Messias.” Maibé seluk dehan: “Messias mai housi Galileia karik? Eskritura la dehan katak Kristu mak David nia bei oan no mai housi Belem, David nia knua?” 

Ne’e duni, sira fahe malu kona-bá Nia. Ema balun hakarak rasik kaer Nia, maibé ema ida la tau liman ba Nia. Guarda sira fila fali ba amlulik boot no fariseu sira, ne’ebé dehan ba sira: “Tansa imi la lori Nia mai?” Guarda sira hatan: “Ema ida seidauk koalia hanesan ema ne’e!” Fariseu sira husu fali ba sira: “Nia dada ona imi mos karik?” Na’i ulun eh fariseu ruma fiar Nia karik? Maibé ema lubun boot ne’e ne’ebé la hatene ukunfuan hetan malisan ba!” Sira ida naran Nicodemo, ne’ebé uluk ba koalia ho Nia, hateten ba sira: “Ita nia ukunfuan fó kastigu ba ema ida, wainhira seidauk rona nia, seidauk hatene nia di-diak?” Sira hatan hodi dehan ba nia, “O mos housi Galileia? Buka iha eskritura no o sei hare katak la iha profeta ne’ebé mai housi Galileia.” Nune’e sira ida-ida fila ba uma.