DGEMs

Maluk sira mak Kristu Hadomi,

“Milagre - Fiar”:Liurai nia emar ida nia oan-manebesik atu mate; no nia husu Jesus atu kura nia. Bainhira Jesus dehan ba nia, “Fila ba uma, ita-nia oan sei moris,” nia fiar kedas. Reflete; “Se ita-nia fiar no konfiansaba Maromak la kle’an, entaun Jesus la bele halo milagre barak iha ita-nia moris. Fiar ba Jesus ho laran tomak; no Nia nunka atu husik ita.”

To’o tiha Galileia, ema Galileia sira simu Nia di-diak, tamba sira hare ona buat hotu ne’ebé Nia halo iha Jerusalem, basa sira mos ba tuir festa. Jesus fila fali ba Kana Galileia, iha ne’ebé Nia halo be nakfila ba tua. Iha Kafarnaum, iha liurai nia emar ida ne’ebé nia oan mane moras. Rona tiha katak Jesus to’o ona Galileia housi Judeia, ema ne’e ba hasouru Nia hodi husu ba Nia atu mai fó isin diak ba nia oan, ne’ebé besik atu mate. 

                Jesus hateten ba nia: “Imi la hare karik sinal no milagre sira, imi la fiar.” Liurai nia emar ne’e hatan ba Nia: “Na’i, tun lalais molok ha’u nia oan mane ne’e mate.” Jesus dehan ba nia: “Ba, o nia oan moris.” Ema ne’e fiar liafuan ne’ebé Jesus hateten ba nia, hodi fila fali ba uma. Nia sei la’o dau-daun, nia atan sira hasouru nia hodi dehan katak nia oan sei moris hela. Nia husu ba sira iha sa oras mak nia oan hahu sai diak fali. Sira dehan: “Horse’ik besik tuku ida isin manas husik nia.” Aman ne’e hatene kedas katak lo-los iha oras neba mak Jesus dehan ba nia: “O nia oan moris.” Ne’e duni, nia ho nia familia tomak fiar. Ne’e mak milagre ba dala rua ne’ebé Jesus halo wainhira Nia fila mai iha Galileia housi Judeia.