DGEMs

Maluk sira mak Kristu Hadomi,

“Kura ema matan-delek” – Fiar:Jesus kura ema matan-delek ida, maibé ema barak koko atu defama Nia tanba Nia kura iha loron Sábadu. Maibé, matan-delek ne’e hahi’i Jesus ho nakloke-an, ho aten-barani no ho lia-loos; katak Jesus maka kura nia; no nia haklaken katak Nia mak profeta ida. Reflete; “ Oinsa Ita-nia fiar no domin ba Maromakkle'an hanesan ema matan-delek nian?”

Jesus liu dau-daun, Nia hare ema ne’ebé matan delek houri moris mai. Dehan tiha ne’e, Nia tafui ba rai halo tahu ho nia kaben, hafoin nia kose tahu ne’e ba matan delek ne’e nia matan hodi dehan ba nia: “O ba fase iha pisina Siloe nian.” Siloe katak “ida ne’ebé ema haruka.” Nia ba fase duni; hafoin fila, hodi hare ona. Ema sira ne’ebé hela besik nia no sira ne’ebé hare uluk nia husu esmola husu ba malu: “Ema ne’e la’os ida ne’ebé tur husu esmola?” Ema balun dehan: “Nia duni,” seluk fali dehan: “La’os nia; ema ida hanesan nia!” Maibé nia rasik dehan: “Ha’u duni!” 

Sira lori ema ne’ebé uluk matan delek ne’e ba fariseu sira. Loron ne’ebé Jesus halo tahu hodi loke nia matan ne’e loron Sabadu ida. Fariseu balun dehan: “Ema ne’e la mai housi Maromak, basa nia la halo tuir Sabadu.” Sira husu fali ba ema matan delek ne’e: “O dehan sa kona-bá ema ne’ebé loke o nia matan?” Nia hatan: “Ema ne’e Profeta ida.”