DGEMs

Maluk sira mak Kristu Hadomi,

“Domin ne'ebé perdua” – Fiar: Liuhusi ai-knanoik kona-ba “Devedor ne'ebé perdua”, Jeusus haklaken ba Pedro katak ita hotu hetan bolu atu perdua inkondisionalmente. Maromak ita Aman domin perdaun nain ne’ebé inkondisionalmente tebes ho Jesus, Nia oan Mane, ne’ebé tenke terus no mate atu manan ita-nia sala sira. Reflete; “Ita agradese ba Maromak ba Ninia Domin ne’ebé nakonu ho Mizerikordia? No ita perdua ema seluk ho laran-luak ka lae?”

Pedro hakbesik ba Jesus hodi dehan: “Na’i, ha’u nia maun eh alin sala hasouru ha’u karik, ha’u sei perdua nia dala hira? To’o dala hitu?” Jesus hatan ba nia: “Ha’u dehan ba o: la’os to’o dala hitu, maibé to’o hitu nulu dala hitu.”

“Tan ne’e, reinu lalehan nian hanesan liurai ida ne’ebé hakarak sisi tusan ba nia atan sira. Wainhira nia hahu sisi, sira lori mai ema ida ne’ebé iha tusan osan rihun sanulu. Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan. Tan hanoin nia, atan ne’e nia Na’i husik nia ba hodi kasu nia tusan. 

Wainhira atan ne’e sai housi neba, nia hetan nia maluk ida ne’ebé debe nia osan oan atus ida. Nia maluk monu ain ba nia hodi harohan: ‘Pasiensia uitoan ho ha’u, ha’u sei fó fali buat hotu ba o.’ Maibé nia lakohi sadia nia hodi haruka maluk ne’e ba dadur laran to’o nia selu nia tusan hotu. 

Tuir mai, sira nia Na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; o la bele hanoin o nia maluk atan hanesan ha’u hanoin o?”