3a Semana tempo quaresma: Segunda-feira 9 Marsu 2026, March 9, 2026

Reflection on the WORD

Maluk sira mak Kristu Hadomi,

"Prekonseitu ka prejuízo sira" - Fiar: Ema sira iha Jesus nia knua la tau importansia ba Jesus ninia Liafuan Sabedoria sira kona-ba Lia-loos Salvasaun nian. Sira sei “matan-delek" tamba sira nia prekonseitu sira. Reflete; “Ita-nia prekonseitu sira impede ita atu haree Lia-loos kona-ba Maromak, ne’ebé oferese mai ita Salvasaun Eterna. Reza atu Naroman Espíritu Santu nian tulun ita atu manan ita-nia prekonseitu sira.”

Lucas 4:24-30

Jesus tuun mai Nazare no dehan teni ba sira: “Tebes, Ha’u dehan ba imi katak ema la simu profeta ida iha nia rai rasik. 

Ha’u dehan lo-los ba imi: iha Elias nia loron, iha feto faluk barak iha Israel, wainhira lalehan taka metin ba tinan tolu no fulan neen nia laran; rai tomak hamlaha boot; maibé Maromak la haruka Elias ba feto faluk sira ne’e ida. Nia haruka de’it ba feto faluk iha Sarepta, iha rai Sidonia. Iha Eliseu nia loron mos, iha ema moras lepra barak iha Israel, maibé sira ida de’it mak hetan isin diak, katak Naaman housi rai Siria.” 

Rona tiha liafuan hirak ne’e, ema hotu iha sinagoga laran laran nakali teb-tebes. Sira hamriik hodi duni sai Nia housi sidade; hodi lori Nia to’o rai tatinis iha foho leten, iha ne’ebé sira nia sidade hamriik hela, atu soe tun Nia housi neba. Maibé Jesus liu housi sira le’et, la’o tuir nia dalan.

Today's Pointers on God's Word

As you read the passage what words, phases or meanings caught your attention?

  • Judeu sira, mak “rasa ida ne’ebé Na’i hili” ne’ebé prejudika hasoru Gentiu sira, maibé Jesus trata Judeu no Gentiu sira ho dignidade ne’ebé hanesan. 
  • Hirus no laran moras iha rasismo halo ita matan delek ba lialos ne’ebé ita nia dignidade mai husi Na’i ne’ebé kria ema hotu-hotu atu sai Ninia kriatura sira ne’ebé presiozu. Laiha rasa ida ne’ebé mak superior ba ema seluk.  
  • Harohan ba harmonia rasial nian no dame iha mundo ne’e espesialmente ba nasaun sira ne’ebé mak sofre husi injustisa rasismo nian no injustu religiozu no direitu humanu seluk tan.