2a Semana tempo quaresma: Quinta-feira 5 Marsu 2026, March 5, 2026

Reflection on the WORD

Maluk sira mak Kristu Hadomi,

“Kompaixaun Fiar”: Na’i Jesus dezafia ema Fareseu sira ho aiknanoik ida kona-ba “Ema riku no Lázaro”. Iha aiknanoik ne’e Fareseu sira hanesan ema riku ne’ebé mak la halo buat di’ak tan ne’e sira hirus tebes. Reflete; Lia loos kona-bá kualidade iha ita nia moris; Sei halo ita nia an livre hodi haklean liu tan ita nia relasaun ho Na’i Maromak.Ita justifica tanba sa ita lakon kompaisaun ba ema kiak sira no sira ne’ebé presiza tebes?

Lk 16:19-26

“Ema riku ida hatais mesak mean furak ho kabas lahan lotuk. Loron loron nia halo festa boot. Ema kiak ida naran Lazaro tur hela iha nia odamatan. Kiak ne’e hakarak hili etu mumun housi riku nia meja okos; asu sira mai belo nia kanek sira. 

Loron ida ema kiak ne’e mate, Maromak nia anju sira lori nia ba hamutuk ho Abraao. Ema riku ne’e mos mate, ema hakoi nia. Terus barak iha infernu, ema riku ne’e foti matan hodi hare housi dook Abraao ho Lazaro hamutuk ho nia. Iha oras ne’e nia hasa’e lia maka’as dehan: ‘Ha’u aman Abraao, sadia atan ha’u! Haruka netik Lazaro atu habokon nia limanfuan rohan iha be laran, hodi mai halo malirin ha’u nia nanal, basa ha’u terus la diak iha ahi ne’e!’ 

Abraao hatan: ‘Oan, hanoin ba katak o simu ona o nia diak iha o nia moris tomak; Lazaro fali simu mak susar de’it. Oras ne’e Lazaro hetan ksolok; o fali hetan terus boot. Hafoin, housi ami ba imi mos rai kuak  boot haketak ita: nune’e ami ida hakarak karik liu ba imi, la bele; imi ida hakarak hakat karik mai ami, mos la bele.’

Today's Pointers on God's Word

As you read the passage what words, phases or meanings caught your attention?

  • Iha leitura evangelho ohin nian, punisaun ba ema riku nian la’os tanba iha riku-soin maibé tanba ninia sala omisaun nian, tanba lakohi atu halo diak hodi responde ba nesesidade Lázaru nian, ema kiak tane liman. 
  • Wainhira Na’i bensa ona ita ho riku-soin iha ita nia moris, ita precisa sai atan ne’ebé responsavel ba nia, espesialmente atu kuida kiak no ema sira ne’ebé precisa liu. Wainhira ita hasoru Na’i iha portaun Lalehan nian, Nia sei husu, ita boot fahe bensaun sira no riku-soin ho ema seluk ne’ebé precisa los?  
  • Wainhira ita fó ou fahe bensaun sira ne’ebé ita iha ho ema seluk ne’ebé precisa liu, ita halo ida ne’e tanba hadomi ba Na’i; la’os egoistamente atu halo reduz ita sala sira.