2a Semana tempo quaresma: Segunda-Feira, 2 Marsu 2026, March 2, 2026
Reflection on the WORD
Maluk sira mak Kristu Hadomi,
“Na’i Jesus nia dalan sira”_Fiar:Na’i Jesushanorin ninia discipulu sira atu sai laran luak, no la bele naran julga ema; no nunka mais atu kondena ema ida; nafatin fó perdua voluntariamente. Buat sira ne’e hotu halo tanba domin husi Na’i Jesus nian, sei lori mai ita bensaun boot sira no rekompensa espiritual sira. Reflete; Ita sente susarhodi moris iha dala sira ne’e, hanesan Jesus?Reza hodi husu grasa ida ne’e atu ita sai hanesan liu tan ho nia.
Lk 6:36-38
Buka sai ema laran luak hanesan imi nia Aman laran luak. Keta hanoin aat ema, no ema sei la hanoin aat imi; keta duu matak ema, no ema sei la duu matak imi.
Fó perdua ba, no imi sei hetan perdua. Fó ba, no imi sei simu; ema sei tau ba imi nia liman buat diak barak, hanehan tun, doko tan to’o naresin. Basa imi sura oin sa ba ema, nune’e mos ema sei sura ba imi.”
Today's Pointers on God's Word
As you read the passage what words, phases or meanings caught your attention?
- Laiha buat ida ne’ebé perfeito se la’os Maromak de’it. Ita dalabarak hare sala kik oan sira iha ema seluk, maibé ita matan delek hodi hare sala ne’ebé sériou liu iha ita an. Labele julga ema seluk maibé hare buat diak sira iha sira nia an.
- Evangelho ohin nian bolu ita atu hatudu generosidade ne’ebé boot iha ita nia relasaun ho ema seluk; la’os de’it iha asuntu financial sira maibé mos iha comprensaun, simu, compaisaun no persaun. Se ita generozu liu ho ema seluk, ita sei hetan liutan.
-
Nu’udar ema Kristaun, ita precisa hanoin fila fali Na’i ne’ebé kontinua hadomi ita maske ita hela ita sala ne’ebé at los. Nu’udar discipulu/a Jesus nian, ita precisa fahe generosidade no domin laran luak ida ne’e especialmente ba ema marginalizado sira.