1ª Semana Kuarezma: Sábadu, loron 28 fulan Fevereiru, 2026, February 28, 2026
Reflection on the WORD
Maluk sira mak Kristu hadomi,
“Moris tuir Lia-Foun Di’ak”: Jesus haklaken, “Hadomi imi nia funu-balun sira, harohan ba sira ne’ebé hanehan imi, atu nune’e imi sai imi Aman iha lalehan nia oan sira.” Reflete; Jesus Nia ezijensia ba Nia eskolante sira mak buat ne’ebé Nia rasik sai sasin (hatudu) ba sira lor-loron iha Nia knaar pastoral sira. Ita mós hetan bolu atu sai sasin ba Maromak Nia Domin lor-loron, liu-liu iha relasaun sira ne’ebé moruk (kanek iha relasaun sira kauza hosi kanek emosional nian).
Mt 5:43-48
43“Imi rona ema uluk dehan: ‘Hadomi o nia maluk, rai odi hasouru o nia funubalun.’ 44Ha'u fali dehan ba imi: ‘Hadomi imi nia funubalun sira, harohan ba sira ne’ebé hanehan imi, 45atu imi sai imi Aman iha lalehan nia oan sira. Basa Nia halo loron sa’e ba ema aat no ba ema diak, halo mos udan ben tun ba ema laran los no ba ema laran la los. 46Basa imi hadomi karik ema ne’ebé hadomi imi, imi sei simu kolen ne’ebé? Publikano sira mos halo nune’e. 47Imi kumprimenta deit imi nia maun alin sira, imi halo buat foun sa ida? Ema gentiu sira mos la halo hanesan ne'e? 48Ne’e duni, imi sai diak los ba, hanesan imi nia Aman iha lalehan diak los.’”
Today's Pointers on God's Word
As you read the passage what words, phases or meanings caught your attention?
- Ita nunka sei sai perfeitu enkuantu iha mundu, maibé iha pasajen Evangelho ohin nian, Jesus haruka tebes ita atu haka’as-an hodi sai perfeitu hanesan Maromak ne’ebé perfeitu.
- Jesus hanorin ita katak ita hotu Maromak Nia oan. Entaun ita nia relasaun ba malu tenke refleta Domin divinu ne’e, ne’ebé ita Aman Maromak hakarak ita atu hatudu ba malu.
-
Reflete oinsá ita halo tratamentu ba ema seluk no hafoin husu ita nia-an “Jesus Nia hanorin sira ne’ebé mak ha’u sente susar tebes atu prátika lolos lor-loron? Karik atu perdua ema ne’ebé hakanek ha’u ka karik preokupasaun ho ha’u nia liberdade, komfortu, auto-imajen (imajen kona-bá an rasik), no seluk tan? Reza atu hetan kbi’it hosi Espíritu Santu hodi haka’as-an sai perfeitu.