DGEMs

Maluk sira mak Kristu hadomi,

“Sinal sira iha Fiar”: Jesus hirus maka’as ema lubun boot sira, basá sira husu ba nia sinal no milagre sira. Sira la buka Mesias ho laran moos; Jesus mak nudar Sinal Divinu iha sira le’et. Reflete; karik ita nia fiar mak profunda no sinsera, ita mós sei bele diserne revelasaun Maromak Nian mai ita pesoalmente, basá Espíritu Santu sei inspira ita nafatin hodi krese besik liu-tan ba Maromak.”

29Wainhira ema lubun boot halibur tiha an, Nia dehan: “Otas ne’e otas aat duni; ema sira husu sinal ida, maibe sinal mesak ne’ebé sei fo ba sira mak sinal Jonas nian. 30Basa, hanesan Jonas sai sinal ida ba ema rai Ninive nian, nune’e mos Oan Mane sei sai sinal ida ba ema sira housi otas ne’e. 31Iha loron tesi lia nian, liurai feto tasimane nian sei hamriik hasouru ema sira ne’e hodi tesi lia todan ba sira; basa nia mai housi mundu nia rohan atu rona Salomao nia matenek, no iha ne’e iha Ida ne’ebé boot liu fali Salomao. 32Iha loron tesi lia nian, Ninive nia oan sira sei hamriik hasouru ema sira ne’e, hodi tesi lia todan ba sira; basa wainhira Jonas haklaken Maromak nia liafuan, sira hakribi sira nia sala, maibe iha ne’e iha Ida ne’ebé boot liu fali Jonas.”