5ª Semana Tempu Komun: Sábadu, loron 14 fulan Fevereiru, 2026, February 14, 2026

Reflection on the WORD

Maluk sira mak Kristu hadomi,

“Jesus Nia Milagre sira”-Fiar:Jesus multiplikapaun fuan hitu no ikan oituan hodi fó haan ema besik rihun atus haat ne’ebé hamalaha no paun rahun resin luhu hitu nakonu. Reflete; Milagre ida ne’e revela Jesus Nia Domin Kompasivu no Kbi’it Divinu. Ita iha sabedoria atu fiar tomak iha Maromak Nia Domin Kompasivu? Ita mak kriatura sira ne’ebé finitu(iha limitasaun, eh iha nia rohan).

Mk 8:1-9a

1Iha tempu neba, ema lubun boot ida halibur an. Sira aihan la iha. Tan ne'e, Jesus bolu nia eskolante sira hodi dehan ba sira, 2“Ha’u hanoin ema sira ne'e; sira hela ona ho Ha’u loron tolu no sira aihan la iha. 3Ha’u haruka sira ba uma ho kabun mamuk karik, sira sei monu iha dalan. Sira balun mai housi dook.” 4Eskolante sira hatan ba nia: “Iha fatin fuik ne'e, ema bele habosu sira ne'e hotu ho paun housi los ne’ebé?” 5Nia husu ba sira, “Imi iha paun fuan hira?” “Hitu,” sira hatan. 6Nia haruka sira atu tur iha rai, kaer paun fuan hitu ne'e, fo agradese, silu hodi fo ba eskolante sira atu fahe. Sira fahe duni ba ema sira hotu. 7Iha mos ikan kiik balun. Nia fo bensa ba sira ne'e, no haruka atu fahe ba ema sira. 8Sira han to'o bosu. Sira halibur hamutuk paun rahun resin luhu hitu nakonu. 9Ema sira ne'e besik rihun haat.

Today's Pointers on God's Word

As you read the passage what words, phases or meanings caught your attention?

  • Ema lubun boot ne’ebé halibur hale’u Jesus Nia sorin iha loron tolu nia laran, hamlahak ba Jesus Nia Lia-Fuan, liu-fali hamlahak ba hahan isin lolon nian. Jesus habosu sira nia hamlahak espiritual no fíziku nian ho paun fuan hitu no ikan rua. 
  • Jesus Nia hahan supernatural (hahan espiritual) nian kura ema nia isin lolon no klamar. Wainhira Maromak haraik grasa mai ita, Nia haraik wa’in no naresin, liu fali buat ne’ebé ita merese ka presiza. 
  • Ita hamlahak ba paun moris nian (Jesus)? Agradese ba ita Na’i, ba Nia bensaun abundante sira no mos tanba fó han ita ho Nia Lia-fuan ne’ebé fó moris.