DGEMs

Maluk sira mak Kristu hadomi,

“Integridade Fiar nian”:Iha Evangelho ohin nian, Jesus haklaken kona-bá nesesidade atu iha auténsidade boot tebes hodi prátika ita nia fiar iha Maromak. Reflete; Maromak haré lia-los iha ita nia fuan: ita nia gratidaun, jenerozidade, serbisu sira no harí unidade iha relasaun sira no buat seluk tan hodi haboot Maromak Nia glória. Valór sira ne’e, hira mak ita prátika tanba ita nia domin ba Maromak?

14Jesus halibur fali ema lubun boot hodi dehan ba sira, “Imi hotu, rona Ha’u hodi komprende ba! 15La iha buat ida iha liur ne’ebé tama hodi halo foer ema nia laran, maibe buat ne’ebé sai housi ema nia laran rasik mak halo foer ema. 16Ema ne’ebé iha tilun atu rona, rona ba!”

17Wainhira Nia no tama ona iha uma laran dook housi ema lubun ne'e, nia eskolante sira husu Nia kona ba aiknanoik ne'e. 18Nia hatan ba sira, “Imi mos la komprende?  Imi la hare katak buat naran deit ne’ebé tama iha ema nia laran housi liur la bele halo nia foer 19basa la tama iha nia fuan maibe iha nia kabun deit hodi sai ba liur.” Nune'e ia fo sai katak aihan hotu la foer. 20Nia simu tan, “Buat ne’ebé mai housi ema nia laran mak halo  nia sai foer,  21basa housi ema nia laran, housi ema nia fuan,  mak hakarak aat ne’ebé lori nia atu halo aat, atu na’ok, atu oho, halo sala foer, 22atu sai karakten no halo buat aat sira hanesan lohi ema, hahalok foer, laran moras, lia bosok, loko an no hahalok beik mosu mai. 23Buat sira ne'e hotu mai housi laran no halo foer ema.”