5ª Semana Tempu Komun: Segunda-feira, loron 9 fulan Fevereiru, 2026, February 9, 2026

Reflection on the WORD

Maluk sira mak Kristu hadomi,

“Jesus Nia Domin Kompasivu-Fiar: Iha Evangelho ohin nian, Jesus Nia Domin Kompasivu kura ema barak ne’ebé husu ba Nia ho fiar atu hetan isin di’ak. Reflete; Jesus revela Nia identidade nudar Mesias ne’ebé haklaken Lia-Fuan Di’ak. No kuidaduema nia-an tomak: sira nia nesesidade fízika, emosional no espiritual no oferese ksolok mundu nian (temporária) no ksolok rohan laek nian.

Mk 6:53-56

53Wainhira sira hakur tiha ona ba tasi nia sorin balun, Jesus ho nia eskolante sira la'o ba Genesare. Ro kona rai iha neba. 54Wainhira sira tun tiha housi ro, ema barak hatene kedas Nia. 55Sira halai ba knua ne’ebé besi-besik hodi lori fali ema moras sira iha sira nia tobafatin ka biti, ba fatin ne’ebé sira rona katak Jesus horik hela. 56Wainhira Nia tama iha knua eh sidade ruma, ka la'o iha dalan, sira tau ema moras sira iha fatin luan ida hodi husu Nia atu husik sira kona nia hatais nia ninin. Sira hotu ne’ebé kona nia hetan isin diak.

Today's Pointers on God's Word

As you read the passage what words, phases or meanings caught your attention?

  • Ema kiak, moras, mukit, no sira ne’ebé uma la iha, hetan fatin espesial iha Jesus Nia fuan kompasivu. Nudar fiar na’in ne’ebé tuir Jesus, ita mos hetan xamada atu sai kompasivu ba ema sira ne’e. 
  • Oinsa mak ha’u nia atitude ba ema seluk tenke muda atu nune’e ha’u bele sai hanesan Kristu liu-tan ba sira ne’ebé mukit, uma laek no ferik- katuas sira? 
  • Husu Jesus atu inspira ita hodi moris lolos ba Nia emar sira ne’ebé presiza hetan kura ba moras fíziku no emosional nian no hodi hatene Maromak Nia Lia-fuan.