DGEMs

Maluk sira mak Kristu hadomi,

“Kura no Fiar”: Feto ne’ebé terus ran fakar iha tinan sanulu resin rua nia laran sein hetan kura hosi médiku sira, kaer Jesus Nia hena no hetan isin di’ak fali tanba nia fiar ne’ebé profunda iha Jesus. Reflete; Jesus Nia milagre sira tenke lori ita ba besik liu-tan Maromak: liu-hosi hakribi ita salan sira; no renova ita nia relasaun ho Nia.

25Iha neba iha feto ida ne’ebé, ba tinan sanulu  resin rua ona mak fakar ran. 26Nia terus teb-tebes iha doutor barak  sira liman hodi halakon nia rikusoi  tomak, maibe nia la hetan diak ida; hetok nia sai aat liu tan. 27Nia rona kona ba Jesus. Nia mai housi kotuk iha ema lubun boot sira le’et hodi kona Jesus nia hena. 28Nia dehan ba nia an rasik, “Ha’u kona deit karik nia hena, ha’u sei hetan isin diak.” 29Iha oras ne'e kedas, ran la fakar tan. Nia isin lolon tomak hetan diak. 30Jesus hatene kedas katak kbi’it ruma sai housi Nia. Nia fila oin ba ema lubun boot hodi husu, “Ema se mak kona ha’u nia hena?” 31Eskolante sira dehan ba Nia, “Hare ba ema lubun boot ne’ebé habit dau-daun Ita.  Ita sei husu, ‘Se mak kona Ha’u nia hena?’” 33Feto ne'e hakat ba oin, nakdedar no tauk, tan nia hatene  buat ne’ebé mosu ba nia.  Nia hakneak iha nia oin hodi dehan sai lialos hotu. 34“Ha’u oan feto,” Jesus dehan: “o nia fiar mak soi o. La'o ba iha dame laran. O hetan diak housi o nia moras ba!”