3 ͣ Semana Tempu Komun: Sábado, Loron 31, Fulan Janeiro, 2026, January 31, 2026

Reflection on the WORD

Maluk sira mak Kristu hadomi,

“Fiar iha Jesus”: Jesus iha hela ró ida nia laran ho Ninia discípulo sira. Jesus toba hela maski laloran boot ne’ebé halo ema hotu iha ro laran ne’e senti tauk. Wainhira Jesus nia discípulo sira hafanun Nia atu bele salva sira, Jesus hakalma laloran boot ne’e. Reflete; Iha laloran ita nia moris nian, Jesus aparese hanesan toba hela, maibé ita sei la mout. Jesus sei tau matan nafatin ba ita hodi hasouru laloran boot neé tamba iha Nia mak ita senti seguru.

Mk 4:35-41

35Iha loron ne'e rasik, wainhira loraik ona, Nia dehan ba sira, “Ita hakur tiha ba tasi sorin balun ba.”  36Sira husik ema lubun boot hodi lori de’it Nia iha ro laran. Ro seluk mos ba hamutuk ho Nia. 37Tuir mai, anin hahu sai boot. Laloran baku maka'as ro, halo be tama iha ro laran, besik atu nakonu. 38Nia iha ro ikun, toba hela ho Nia ulun iha somasu leten. 39Sira fanu Nia hodi dehan: “Mestre, la halo buat ida ba Ita katak ita atu mate ona?” Nia hamriik. Nia hateten ba anin no dehan ba tasi, “Hakmatek ba!” Anin nonok kedas; buat tomak hakmatek. 40Hafoin Nia lia tun ba sira, “Tan sa imi tauk hanesan ne'e? Imi seidauk fiar?”  41Sira tauk teb-tebes hodi dehan ba malu, “Ema ne'e se los? Anin no tasi mos halo tuir Nia!”

Today's Pointers on God's Word

As you read the passage what words, phases or meanings caught your attention?

  • Iha tempu balun iha ita nia moris, ita senti tauk, lahakmatek, no iha dúvida balun. Razaun ida ba sentimentu sira hanesan ne’e, tamba ita la konfia iha Maromak nia grasa iha ita nia moris. 
  • Ita presiza konsiente ba ita nia tauk sira hodi koko haré Maromak nia prezensa iha ita nia fuan. Na’i sempre hamutuk ho ita iha ita nia necessidade no preokupasaun sira ne’ebé halo ita senti tauk no lahakmatek. 
  • Reza no koko rona Jesus ne’ebé sei husu ita “Tamba sa mak ita senti tauk no la hakmatek?”. Konfia iha Ha’u no husik atu Ha’u bele tau matan ba ita nia tauk sira iha ita nia moris. Wainhira ita halo nune’e, ita sei senti hakmatek tamba Jesus halo o nia laran metin iha ita nia moris.