3 ͣ Semana Tempu Komun: Terça-Feira, Loron 27, Fulan Janeiro, 2026, January 27, 2026
Reflection on the WORD
Maluk sira mak Kristu hadomi,
“Maromak nia Vontade” – Fiar: iha Evangelho ohin, Jesus Nia inan no Nia maun-alin sira passa hela mensagem ida katak sira hakarak ko’alia ho Jesus ne’ebé hanorin hela iha Sinagoga laran. Mensagem ida ne’e importante no urgente it’oan, karik Nia Pai Jose mak moras todan. Maibé Jesus hatan dehan, “Ha’u nia inan, maun, bin no alin sira mak sira ne’ebé halo Maromak nia Vontade”. Reflete; Ita tau dunik Maromak nia Vontade hanesan prioridade moris ka ita nia necessidade humanu sira mak importante liu?
Mk 3:31-35
31Nia inan no maun alin sira to'o iha neba. Sira hamriik iha liur hodi hameno lia atu bolu Nia. 32Ema barak tur haleu Nia no sira dehan ba Nia, “O nia inan no maun alin sira hela iha liur buka O.” 33Nia hatan ba sira: “Se mak Ha’u nia inan no maun alin sira?” 34Hodi hateke ba sira ne’ebé tur hale’u Nia, Nia dehan: “Sira ne'e mak Ha’u nia inan no maun alin sira. 35Basa ema ne’ebé halo tuir Maromak nia hakarak, ema ne'e mak Ha’u nia maun alin, bin feton no inan.”
Today's Pointers on God's Word
As you read the passage what words, phases or meanings caught your attention?
- Jesus enfatiza puntu importante ida ba ita katak ema ne’ebé nia konsidera besik lós ba Nia hanesan família mak ema hotu ne’ebé mak moris tuir Maromak nia Liafuan iha sira nia moris no obedese ba Maromak nia Vontade.
- Ho Lialos ida ne’e, Jesus hatudu hela vizaun foun no pontu de vista radikal ida katak ema Kristaun sira sai família ida de’it tamba Maromak nia Liafuan no Lialos mak unifika ita sai família ida de’it.
-
Passa tempu hodi reflete ho kle’an tan kona Lialos Família Kristaun nian no haré oinsa ita nia família rasik faz parte família Kristaun universal – família povo Maromak nian no igreja ida de’it.