DGEMs

Maluk sira mak Kristu hadomi,

“Jesus mak Messias” – Fiar: iha Evangelho ohin, Jesus haklaken ba Farizeu sira katak “Nia mak Messias”. No Nia Liafuan Diak Salvasaun nian atu kompleta promessa sira iha Antigo Testamento. Tamba ne’e, Jesus dehan “Tua Foun labele tau iha tua kulit tuan maibé presiza tua kulit foun. Reflete; Ita seidauk bele husik ‘tua kulit tuan’; hodi kaer metin ba imagem Maromak ne’ebé kastigu ema nia sala no halo ema tauk Nia?

18Loron ida, wainhira  Joao nia eskolante sira no fariseu sira hadera an dau-daun, sira mai dehan ba Jesus, “Tansa Joao no fariseu sira nia eskolante hadera an, O nia eskolante fali lae?” 19Jesus hatan ba sira, “Noivu nia belun sira bele hadera an wainhira noivu sei hela hamutuk ho sira? Wainhira nia sei hela hamutuk ho sira, sira la bele hadera an. 20Maibé loron sei to'o mai wainhira ema sei hasai tiha noivu housi sira. Iha loron ne'e mak sira sei hadera an.”  21“Ema ida la taka kuak iha hena tuan ho hena foun. Nia halo karik, hena foun sei hales hena tuan, no kuak sei sai boot liu. 22Ema ida la fui tua foun iha fatin tuan. Nia halo karik, tua sei halo kulit nakles no tua sei nakfakar. Ema tau tua foun iha fatin foun.”