1ͣ Semana Tempu Komun: Quinta-Feira, Loron 15, Janeiro, 2026, January 15, 2026

Reflection on the WORD

Maluk sira mak Kristu hadomi,

“Alegria ne’ebé Jesus fo ba ita” – Fiar: ho fuan ne’ebé nakonu ho kompaixaun, Jesus kura ema ida ne’ebé moras lepra tamba nia husu Jesus atu hetan isin diak. Jesus dehan ba nia atu labele hateten ba ema ida kona-bá se mak halo nia hetan isin diak. Maibé, tamba kontente tan hetan ona isin diak, ema ne’e hateten kona-bá Jesus iha fatin hot-hotu katak Jesus mak kura nia moras lepra hodi hetan fali isin diak. Reflete; wainhira ita hadomi Jesus, Nia sei hakonu ita ho ksolok ne’ebé lori ita atu haklaken Kristu ba ema hot-hotu.

Mk 1:40-45

Jesus fo isin diak ba ema moras lepra ida

40Ema moras lepra ida mai hakbesik Nia, hakneak iha rai hodi husu Nia, “Ita hakarak karik, Ita bele hamos ha’u.” 41Jesus hanoin nia, lolo nia liman hodi kona nia dehan: “Ha’u hakarak; sai mos ba!” 42Iha oras ne'e kedas, moras lepra lakon no nia isin mos ona. 43Jesus haruka nia ba, hodi dehan ho oin maka'as,  44“Keta fo hatene ba ema ida, maibe la'o ba, hatudu o nia an ba amlulik hodi hasa'e buat nebe Moises haruka atu fo hatene katak o hetan ona isin diak.”  45Maibe ema ne'e sai hodi fo hatene kedas buat ne'e iha fatin hotu; nune'e Jesus la bele hatudu Nia An ona iha sidade sira. Nia la'o deit iha liur, iha rai fuik. Maibe housi fatin hotu ema mai buka Nia.  

Today's Pointers on God's Word

As you read the passage what words, phases or meanings caught your attention?

  • Maromak nia domin ba ema hot-hotu no laiha kondisaun. Jesus sempre prontu atu kura ita nia moras fisiku, emosaun, mental no espiritual. 

     

  • Ita dezeza atu hetan kura husi ita nia moras sira maibé ita la konfia iha Maromak nia grasa isin diak nian. Ita sei iha hela sentimentu tauk, ita sei iha duvida kona-bá Maromak nia vontade ba ita nia moris.
  • Ita bele reconhece katak Maromak nia sabedoria no kompaixaun boot liu ita nian? Se los, reza atu ita bele hetan grasa hodi bele konfia ita nia moris iha Maromak nia liman.