1ͣ Semana Tempu Komun: Segunda-Feira, Loron 12, Fulan Janeiro, 2026, January 12, 2026

Reflection on the WORD

Maluk sira mak Kristu hadomi,

“Jesus bolu ita ba Arrependimentu”: iha Evangelho ohin, Jesus bolu ita hodi “hadia-an, arrepende no fiar iha Evangelho” hanesan dom ka grasa salvasaun ba moris rohan laek nian. Reflete; wainhira ita hakribi salan, ita hetan ka simu Maromak nia domin mizerikordia. Ho nune’e mak ita bele hetan liberdade atu atu hadomi, serbí no sai sasin ba Evangelho Jesus nian ho fuan ksolok.

Mk 1:14-20

14Wainhira ema dadur ona João, Jesus ba Galileia hodi haklaken Maromak nia liafuan diak hodi dehan: 15“Tempu to'o ona; Maromak nia reinu besik ona. Hakribi imi nia sala hodi fiar liafuan diak.”  16Liu housi tasi ibun Galileia nian, Nia hare Simao ho Simao nia alin Andre soe sira nia dai ba tasi, basa sira peskador. 17Jesus dehan ba sira, “Tuir Ha’u mai; Ha’u sei halo imi peskador ema nian.” 18Sira husik kedas dai hodi tuir Nia. 19Liu tan uitoan ba oin, Nia hare Tiago, Zebedeu nia oan, ho nia  alin João iha sira nia  ro laran, hadia hela dai.  20Nia bolu sira kedas. Sira husik  sira nia aman Zebedeu iha ro laran ho nia emar sira hodi tuir Jesus.

Today's Pointers on God's Word

As you read the passage what words, phases or meanings caught your attention?

  • Hanesan Jesus bolu peskador sira atu kontinua Ninia misaun atu haklaken Maromak nia salvasaun ba ema hot-hotu, Jesus mos konvida hela ita atu kontinua Ninia misaun salvasaun nian iha ita nia mundu ohin loron. 
  • Maski ita iha frakeza no dezafiu moris nian, Maromak hakarak bolu ita ida-ida atu haklaken Maromak nia salvasaun ba ema hotu. Ita hotu iha obrigasaun atu sai sasin ba Kristu iha ita nia maneira hanoin, koalia no sasin moris. 
  • Atu atinji misaun Kristu nian, ita presiza halo Kristu sai centro ba ita nia moris. Ita prontu ka la’e atu entrega ita nia moris ba Kristu – atu Nia bele guia no acompanha ita iha ita nia moris?