Solenidade Santa Maria, Maromak Nia Inan, Quinta-Feira, loron 1, fulan Janeiro 2026, January 1, 2026

Reflection on the WORD

Maluk sira mak Kristu hadomi, 

“Messias Kosok oan – Maria Maromak nia Inan”: Iha Evangelho ohin, Kosok Oan messias toba hela iha balada han fatin. Kosok oan nia inan Maria hateke ba Nia ho domin profundo no simu ho humildade mistériu divinu nia oan ne’ebé Maria mós sedauk kompriende. Reflete; “Maria kous Messias-Kosok oan hodi Espírito Santo. Igreja senti inspirada ho Maria nia prontidaun atu halo tuir Na’i nia Liafuan – tan ne’e, Igreja onra Maria hanesan Maromak nia Inan”. 

Lk 2:16-21

16Sira ba lalais, hodi hetan duni Maria, Jose no Kosok Oan toba hela iha balada han fatin. 17Hare tiha Nia, sira haktuir buat ne’ebé anju sira hateten kona-bá kiik oan ne’e. 18Ema hotu ne’ebé rona bibi atan sira hakfodak ho sira nia liafuan. 19Maria fali rai hela liafuan hirak ne’e hotu, hodi hanoin tuir di-diak iha nia laran. 20Bibi atan sira fila ba uma hodi hahi hawelok Maromak tan buat hotu ne’ebé sira hare no rona, nudar anju sira fo hatene nanis. 21Liu loron ualu, wainhira labarik atu simu sirkunsisaun, sira hanaran Nia Jesus, nudar anju fo hatene molok nia inan ko’us.

Today's Pointers on God's Word

As you read the passage what words, phases or meanings caught your attention?

  • Maromak haruka Nia anjo sira hanesan mensangeiru divinu atu hato’o Maromak nia Liafuan Di’ak, hodi haklaken katak Maromak mai tama iha ita nia mundu hanesan labarik ida ne’ebé moris iha bibi luhan ida. Ema primeiru ne’ebé mak hetan privilégio hodi rona uluk Liafuan Diak ne’e mak Bibi-atan sira – ema ne’ebé simples liu iha sociedade Israel nian. Bibi-atan mak ema sira ne’ebé sociedade Israel la konsidera sira nia dignidade.
  • Bibi-atan sira rona ho atensaun Liafuan Diak, sira fira ho laran tomak no responde ho fiar ne’ebé mak metin. Oinsa ho ita nia atitude no resposta ba Maromak ne’ebé mai hodi moris iha ita leet – ho selebrasaun Natal nian? 
  • Mai ita hahu tinan foun 2026 nian hodi fo tempu it’oan atu ita reflete kona-bá Lialoss Natal nian katak Maromak iha Kosok Oan Jesus tama iha ita nia moris no Nia dezeja atu ita moris ba Nia iha mundu ne’e no ikus bele hamutuk ho Nia iha eternidade.