Sagrada Família: Jesus, Maria no José: Domingu, loron 28, fulan Dezembru, 2025, December 28, 2025

Reflection on the WORD

Maluk sira mak Kristu hadomi,

 

“Maromak nia Domin Protejedor nian”– Fiar: Iha Evangelho ohin nian, Liurai Herodes iha intensaun atu oho Kosok-Oan, Mesias. Maibé, Maromak nia anju fó atensaun ba José iha mehi atu halai ba Egitu. Reflete;“Se ita-nia fiar iha Jesus ne’e pesoál, ita sei haré katak Maromak nia Domin Protetor nian halo ita seguru husi perigu hotu no sala todan. Mai ita keta haré Maromak nia Domin nu’udar buat bai-bain ida, no agradese Nia ho gratidaun ne’ebé kle’an.”

Mt 2:13-15,19-23a

13Sira ba tiha, Na’i nia anju ida mosu ba Jose iha mehi hodi dehan: “Hamriik ba, lori Kiik Oan ho nia inan, halai ba Egiptu hodi hela iha neba to’o ha’u fo hatene ba o, basa Herodes sei buka Kiik Oan ne'e atu oho.” 14Nia hader iha kalan, lori Kiik Oan ho nia inan, halai ba Egiptu 15hodi hela iha neba to'o Herodes mate. Nune'e sei sai tuir duni buat nebe Na’i fo sai housi profeta: “Ha'u bolu Ha'u nia Oan housi Egiptu.” 19Herodes mate tiha, Na’i nia  anju ida mosu ba Jose iha Egiptu iha mehi hodi dehan: “Hader tiha, lori fali Kiik Oan ho nia inan ba rai Israel, basa sira nebe buka Kiik Oan ne’e nia moris mate tiha ona.” 21Jose hader mai, lori Kiik Oan ho nia inan fila fali ba rai Israel. 22Maibe, rona tiha katak Arquelau mak ukun iha Judeia iha nia aman nia fatin, Jose tauk atu ba neba. Tuir mehi ida haruka, nia ba rai Galileia, 23hodi hela iha sidade ida naran Nazare; nune’e sai tuir duni buat nebe profeta sira dehan.

Today's Pointers on God's Word

As you read the passage what words, phases or meanings caught your attention?

  • São José mak ulun husi Sagrada Família ne’e, Nia ema ida ne’ebé loke-an no halo tuir Na’i. Nia família, mós, loke-an no halo tuir nia nu’udar ulun. 
  • Importante ba aman Kristaun sira atu loke-an no halo tuir Na’i, no importante mós ba família atu loke-an no halo tuir ulun husi família. 
  • Reflete kona-bá ita-nia papél iha ita-nia família, oinsá ita bele loke an no obedese hanesan halo Ita-nia família tuir lolos mós exemplu Sagrada Família nian.