DGEMs

Maluk sira mak Kristu hadomi,

“Maromak nia Providénsia” – Fiar: Iha Evangelho ohin nian, Isabel hanaran ninia oan ‘João’ no la’ós ‘Zacarias’ tuir ninia la’en nia naran. Nia kontra tradisaun povu Judeu nian hotu. Zacarias konkorda ho nia, no hetan fali kbi’it no hahú ko’alia fila fali. Reflete; “Ita berani atu tuir Maromak nia Hakarak ka ita ta’uk ba rejeisaun no ema nia hamu’u ba ita?Halo tuir Maromak nia Hakarak mak ita-nia objetivu importante liu iha moris ida?”

57Wainhira tempu to’o ona ba Isabel, nia tur ahi oan mane ida. 58Rona tiha katak Na’i hatudu laran luak boot ba nia, nia maluk no parenti sira haksolok ho nia. 59Liu tiha loron ualu, sira mai atu halo sirkunsisaun kosok oan nian. Sira hakarak hanaran nia Zacarias, tuir nia aman; 60Maibé nia inan dehan: “La’e, nia naran Joao.” 61Sira dehan fali ba nia: “Iha imi nia parenti sira le’et la iha ema ida ho naran ne’e.” 62Tan ne’e, ho sinal oi-oin, sira husu ba nia aman: nia hakarak fó naran sa ba nia oan. 63Nia husu surat tahan ida hodi hakerek: “Nia naran Joao.” Sira hotu hakfodak. 64Zacarias nia ibun nakloke kedas, nia nanal mamar fali, nia koalia hodi hawelok Maromak. 65Sira hotu nebé hela besik neba tauk teb-tebes. Lia hirak ne’e hotu naklekar iha foho rai Judeia tomak. 66Sira hotu nebé rona buat hirak ne’e rai hela iha sira nia laran hodi dehan ba sira an rasik: “Labarik ne’e sei sai sa los?” Basa, tebes duni, Na’i nia liman hela ho nia.