3ª Semana Tempu Advento: Domingo, loron 21, fulan Dezembru 2025, December 21, 2025
Reflection on the WORD
Maluk sira mak Kristu hadomi,
“São José nia Santidade” – Fiar: Iha Evangelho ohin nian, São José hakfodak ho notísia kona-bá Maria nia Conceição. Maibé, iha nia santidade nia la halo Maria mo’e. Tuir mai nia halo tuir Maromak nia hakarak iha ninia mehi. Reflete;“Ita refleta ka la’e kona-bá Espíritu Santu nia inspirasaun sira bainhira ita simu sira? Ita-nia fiar kle’an ka la’e atu moris tuir Maromak nia Hakarak ka ita buka justifika-an moris tuir ita-nia hakarak rasik?”
Mt 1:18-21,24
18Jesus Kristu moris nune'e: ema hakotu ona Maria, Jesus nia inan ba José. Molok sira moris hamutuk, Maria ko’us tiha ona hodi Espiritu Santu nia kbi’it. 19Nia la’en José, nebé ema laran los no lakohi hamoe Maria, hakotu atu husik de’it nia. 20Nia hanoin dau-daun buat ne'e, wainhira Na’i nia anju mosu ba nia iha mehi dehan: “José, David nia oan, keta tauk simu Maria nu’udar o nia kaben, basa nia ko’us hodi Espiritu Santu nia kbi’it. 21Maria sei tur ahi oan mane ida nebé o sei hanaran Jesus, basa Nia mak sei soi povu housi sira sala.” 24Hader tiha housi mehi, José halo tuir buat nebé Na'i nia anju haruka hodi simu nia kaben.
Today's Pointers on God's Word
As you read the passage what words, phases or meanings caught your attention?
- Ita iha loron rua antes Natal no ita tenke husik anju nia mensajen ne’ebé dehan katak, “Keta ta’uk” ne’e, tama iha ita-nia fuan.
- Ita Iha ta’uk iha ita-nia fuan ka la’e? Ta’uk mak buat veneno nian no sira bele fó venenu ba ita-nia hanoin no hapara Maromak nia promesa atu salva ita no atu sai abut iha ita-nia moris.
-
José mós kaer metin ba promesa ne’e wainhira nia hasoru lia-loos ne’ebé trájiku katak Maria nia feen hetan kous ho oan antes sira-nia kazamentu. Nia fiar Maromak no ita ida-idak hetan dezafiu atu imita tuir nia.