DGEMs

Maluk sira mak Kristu hadomi,

“Maria nia Fiar” – Discípulu Modelu: Evangelho ohin nian kapta mai ita kona-bá akontesimentu inkarnasaun Maromak Oan-Mane nian, iha Maria nia knotak; liu husi Espíritu Santu; bainhira nia simu Maromak nia Hakarak. Reflete; “Maria mak discípula ne’ebé perfeita liu iha Maromak nia Planu Salvasaun nian. Maria nia obediénsia totál iha haraik-an ba Maromak nia Hakarak boot liu fali santu hotu-hotu. Harohan ba grasa atu ita bele buras iha santidade ne’e.”

26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebé hakotu tiha ona ba mane ida naran José, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. 33Nia sei ukun Jacob nia umakain ba nafatin; nia ukun sei rohan la’ek.” 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.