DGEMs

Maluk sira mak Kristu hadomi,

“Maromak nia Planu Salvasaun”– Fiar: Zacarias dúvida iha Maromak nia Planu Salvasaun nian.Nia lakon ninia kbi’it atu ko’alia nian; to’o Isabel nia oan moris, atu kumpre Maromak nia Planu Salvasaun. Reflete; “Bainhira ita dúvida Maromak nia Providénsia no Domin, nu’udar ema sala-na’in, ita-nia moris sei nakonu ho laran-taridu no ta’uk. Maibé, bainhira ita tau fiar tomak ba Maromak, Maromak nia Dame no Ksolok sei ukun iha ita-nia moris.”

13Maibé anju dehan ba nia: “Keta tauk, Zacarias, basa Maromak rona tiha o nia hamulak. O nia kaben Isabel sei ko’us oan mane ida. O sei hanaran nia Joao. 14Nia sei fo ksolok no laran kmaan teb-tebes ba o; ema barak sei haksolok wainhira nia moris mai. 18Zacarias hatan ba anju: “Oin sa ha’u bele hatene buat hirak ne’e? Ha’u katuas ona, no ha’u nia kaben mos ferik ona.” 19Anju simu fali: “Ha’u mak Gabriel nebé hamriik iha Maromak futar oin. Nia haruka ha’u mai atu koalia ba o, hodi hato’o ba o lia foun diak ida ne’e. 20Maibé o sei sai monok hodi la bele koalia tan to’o loron nebé buat hirak ne’e sei mosu, basa o la fiar ha’u nia liafuan nebé sei sai tuir los iha nia tempu.” 24Liu tiha loron hirak ne’e, nia feen Isabel ko’us, hodi haksumik an iha fulan lima nia laran. Nia dehan: 25“Nune’e mak Na’i halo mai ha’u iha loron sira nebé Nia fase ha’u nia moe iha ema hotu nia oin.”.